Gia per la terza giada sa numna il campiun mundial da rugby Africa dal Sid. En il final dal campiunadi mundial a Yokohama en il Giapun, han ils «Springboks» gudagnà cunter l'Engalterra cun 32:12. Encunter las aspectativas dad experts han ils Sidafricans suenter il 1995 e 2007 puspè pudì d'auzar il Webb Ellis Cup en l'autezza.
Emprim captain nair
Istorgia ha scrit en quest gieu Siya Kolisi. El è l'emprim captain d'ina squadra da rugby da l'Africa dal Sid ed uss er campiun mundial. I dettia tants problems en ses pajais, ma ensemen hajan els cuntanschì cun differentas razzas la finamira da daventar campiun mundial, è stà superbi Kolisi.
RR novitads 14:00