Siglir tar il cuntegn

Russia 2018 Belgia cunter il Giapun - Engalterra cunter la Columbia

Las davosas decisiuns èn crudadas. Damai che la Belgia ha gudagnà il gieu cunter l'Engalterra termineschan ils Beltgs la prerunda sin l'emprim plaz da la gruppa G.

Il giugader Michy Batshuayi celebrescha ses gol.
Legenda: Il giugader Michy Batshuayi ha sajetta il gol decisiv cunter l'Engalterra. Keystone

La Belgia ha gudagnà il gieu decisiv per l'emprim plaz en la gruppa G cun 1:0 cunter l'Engalterra. Il sulet gol da la partida ha Michy Batshuayi sajetta. Uschia frunta la Belgia en l'otgavelfinal sin il segund da la gruppa H il Giapun. Ils Englais giogan cunter la Columbia.

En l'auter gieu da la gruppa G ha la Tunesia battì il Panama cun 2:1.

Columbia ed il Giapun victurs da la gruppa H

Avant il gieu era la Columbia anc cnap sut il stritg da qualificaziun. Cun la victoria cunter il Senegal è la chaussa però clera: La Columbia è vinavant. En il segund gieu ha la victoria da la Pologna cunter il Giapun bain betg gidà la Pologna (ch'aveva avant 0 puncts). Però ha il Giapun uschia gì tuttina blers puncts sco il Senegal – ed era la medema differenza da gols. Uschia sa qualifitgescha quella equipa cun las pli paucas cartas melnas e cotschnas: il Giapun.

RR novitads 22:00