Legenda:
Annina Tomaschett è vegnida 42avla al campiunadi europeic da sajettar cun buis d'aria en Pologna.
RTR, Georgina Janki
La tiradura sursilvana Annina Tomaschett vegn 42avla al campiunadi europeic da joniors cun sajettar cun buis d'aria en Pologna. Cun trair sin la schiba da 10 meters vegn ella sin in total da 616,6 puncts. Annina Tomaschett è stada l'emprima jurora grischuna ch'è sa qualifitgada per in campiunadi europeic da tir. En tut ha ella gì 70 concurrentas. Ses giavisch a sia premiera era da vegnir tranter las meglras 30, tge che n'è betg dal tut reussì.
audio
La tiradura Annina Tomaschett vegn 42avla al campiunadi europeic
ord Actualitad dals 26.02.2020.
laschar ir. Durada: 3 minutas 54 Secundas.
Campiunessa europeica da las junioras è daventada l'indigena Aleksandra Sutko. Ella era sa qualifitgada cun 625,4 puncts per il final. En il final ha ella lura gudagnà cun 0,8 puncts avantatg sin la segunda.
Ord l'archiv:
La giuvna avant il campiunadi europeic:
audio
Tiradura Annina Tomaschett avant il campiunadi europeic
ord Sportissimo dals 15.02.2020.
laschar ir. Durada: 5 minutas 46 Secundas.
RTR novitads 15:00
