Naziunal/Internaziunal - Sami Hyypiä duai manar il FCZ al success
Il club da ballape da Turitg ha in nov trenader. Sami Hyypiä da la Finlanda daventa nov trenader dal FCZ. El succeda ad Urs Meier ch'era vegnì relaschà ils 3 d'avust.
Hyypiä ha suttascrit in contract da dus onns cun l’opziun da prolungar quel per in ulteriur onn.
Il FCZ è per Hyypiä la quarta staziun da sia carriera sco trenader. Tranter auter ha el trenà l'equipa da la Bundesliga Bayer Leverkusen. En sia carriera activa sco giugader ha il Finlandais da 41 onns gudagnà il 2005 la Champions League cun Liverpool.
