Legenda:
Quants Securitas ch'èn en acziun na vegn betg tradì.
Keystone
cuntegn
San Murezzan 2017 - Lavur secreta da Securitas
Tge ch'ils umens e las dunnas da Securitas fan, nua e cura durant ils Campiunadis mundials resta secret. Il medem vala per la polizia ed il militar. Enconuschent è sulet è che radund 850 persunas procuran per la segirezza e ch'ellas en acziun durant las 2 emnas sportivas a San Murezzan.
Nico Colombo da Samedan lavura dapi quatter onns sco Securitas. Quai saja per el ina bun'opziun da gudagnar insatge dasper ses studi a Son Gagl. Quintar da sias duas emnas lavur a San Murezzan na dastga el dentant betg.
Discurrer cun schurnalists n'è normalmain betg pussaivel. Colombo è perquai stat surstà ch'el ha survegnì l'ok per dar in'intervista. Da sia lavur n'ha el dentant tradì tant sco nagut u almain naginas infurmaziuns che n'èn betg pensadas per la publicitad.
