Siglir tar il cuntegn

Header

cuntegn

San Murezzan 2017 Triumf svizzer! Holdener e Gisin gudognan aur ed argient

Wendy Holdener gudogna aur, Michelle Gisin argient en la cumbinaziun. La medaglia da bronz va a l’Austriaca Michaela Kirchgasser. Denise Feierabend manchenta il podest be per 4 dieschavels.

Holdener è sa catapultada en il slalom da plazza 7 sin plazza 1, quai cun in avantatg da 5 tschientavels sin sia cumpatriota Michelle Gisin.

Lara Gut n’ha betg pudì ir a la partenza dal slalom. Cun sa stgaudar en sin il traject è ella cupitgada e sa blessada vid il schanugl. Tenor il trenader Hans Flatscher è ina partenza tar la cursa rapida da dumengia pauc probabla.

Goggia e Stuhec crodan ora

La Taliana Sofia Goggia che manava anc suenter la cursa rapida è crudada ora curt suenter la partenza. La medema sort ha er gì Ilka Stuhec. La Slovena era sa classada sco segunda.

Cursa sin traject scursanì

Il traject da la cursa rapida da l'avantmezdi era vegnì scursanì per 15 secundas perquai ch'ins ha temì che la tschajera pudess sa derasar en la part sura. Da quai han profità las duas tecnicistas svizras Holdener e Gisin.

«Jau hai empruvà dad ir al limit e quai è reussì dètg bain a mai.», ha punctuà Holdener. Gisin ha discurrì dad ina da las emprimas cursas rapidas nua ch'ella haja ristgà dapli ch'uschigliò.

Las top 10 da la cumbinaziun

Rang
Num
Naziun
Temp
1
Wendy HoldenerSUI1:58.88
2
Michelle GisinSUI+ 0.05
3
Michaela Kirchgasser
AUT
+ 0.38
4
Denise Feierabend
SUI+ 0.82
5
Lindsey Vonn
USA
+ 0.85
6
Marie-Michèle Gagnon
CAN
+ 1.27
7
Federica Brignone
ITA
+ 1.38
8
Marusa Ferk
SLO
+ 1.84
9
Ricarda Haaser
AUT
+ 1.93
10
Ragnhild Mowinkel
NOR
+ 1.96

RR novitads 14:00

Artitgels legids il pli savens