Legenda:
Tals bus porschan plaz a blera glieud e pon contribuir a la neutralitad da CO2.
RTR, Violanta Rominger
cuntegn
San Murezzan 2017 - Uschè pauc CO2 sco pussaivel als campiunadis mundials
Tuts visitaders da las cursas dals Campiunadis mundials da skis 2017 han pudì viagiar gratuit cun il traffic public, a San Murezzan schizunt cun bus electrics. Michael Pfäffli, suprastant da la vischnanca da San Murezzan e responsabel per traffic, segirezza ed energia para cuntent cun il resultat.
Ils organisaturs hajan elavurà in concept da traffic stupent, di Michael Pfäffli. Quest experiment saja tenor el be stà pussaivel grazia als campiunadis mundials.
Bainbaud be bus electrics a San Murezzan?
Bus electrics n'eran fin uss anc mai en acziun en ina regiun alpina sco San Murezzan. Incaps n'hai dà nagins.
Malgrà temperaturas bassas, naiv e fitg blera glieud haja tut funcziunà, uschia Pfäffli. In success che pudess avair influenza sin il futur: Tenor el stoppian ins uss persequitar l'idea da bus electrics a San Murezzan.
Legenda:
Vid talas staziuns vegnan chargiads ils bus electrics.
RTR, Violanta Rominger
