Siglir tar il cuntegn

Header

cuntegn

San Murezzan 2017 Vendì passa 1’000 bigliets al di per cursas mundialas

La vendita da bigliets per ils Campiunadis mundials da skis 2017 a San Murezzan è s'intensivada l’emna passada massivamain. Quai tenor infurmaziuns dad Ariane Ehrat, la manadra da la destinaziun turistica Engiadina San Murezzan.

Surtut la naiv ch'è crudada gist anc il dretg mument ed ils success da numerus skiunzs, hajan evidentamain dà l’impuls a blera glieud da cumprar anc in bigliet per ina u l’autra cursa a San Murezzan.

audio
Vendita allegraivla l'emna passada
ord Novitads dals 06.02.2017.
laschar ir. Durada: 2 minutas 49 Secundas.

Vendì bun 70%

Entant saja vendida ina gronda part da las plazzas per las cursas da las differentas disciplinas. Grazia al stumpel da l’emna passada hajan els uss vendì 70% dals bigliets.

Premiera è decisiva

Grondas speranzas han ils organisaturs uss a reguard l’emprima cursa dals Campiunadis mundials da skis a San Murezzan il mardi. Cun la bell’aura ch'è annunziada e speranza er cun resultats optimals dals atlets svizzers possian ins segir anc intimar blers da cumprar in bigliet. Quel possian ins gia avair a partir da 40 francs. Cumprais en il ticket è er il viadi a Salastrains, ha suttastritgà Ariane Ehrat.

RR actualitad 17:00

Artitgels legids il pli savens