Per Holdener èsi l'emprima medaglia ad in campiunadi mundial en il slalom. Avant dus onns era ella anc crudada ora a Vail / Beaver Creek, a Schladming (2013) era ella vegnida 11avla. «Igl è bel da pudair guardar enavos sin tals campiunadis mundials a chasa.«, ha Holdener ditg suenter sia segunda medaglia a San Murezzan. Per Shiffrin èsi gia la terza medaglia d'aur a campiunadis mundials (2013, 2015 e 2017)
Igl è bel da pudair guardar enavos sin tals campiunadis mundials a chasa.
Michelle Gisin ch'era 6avla suenter il prim percurs ha fatg in grond sbagl en il segund percurs ed è la finala sa tschentada sin plazza 21.
Feierabend tranter las top 10
Denise Feierabend ha mussà ina buna prestaziun en il segund percurs ed è la finala sa megliurada per 7 posiziuns sin plazza 9. Questa stagiun n'è Feierabend anc mai stada classada uschè bain. Mélanie Meillard è crudada ora en il prim percurs.
Las top 10 dal slalom
Rang | Num | Naziun | Temp |
---|---|---|---|
1 | Mikaela Shiffrin | USA | 1:37.27 |
2 | Wendy Holdener | SUI | + 1.68 |
3 | Frida Hansdotter | FIN | + 1.75 |
4 | Petra Vlhova | SLO | + 1.89 |
5 | Sarka Strachova | CZE | + 2.05 |
6 | Michaela Kirchgasser | AUT | + 2.22 |
7 | Ana Bucik | AUT | + 2.62 |
8 | Emelie Wikström | FIN | + 2.93 |
9 | Denise Feierabend | SUI | + 2.96 |
10 | Bernadette Schild | AUT | + 2.97 |
RR novitads 14:00