Siglir tar il cuntegn

Header

cuntegn

San Murezzan Aur per la Svizra en il bob a quatter

Il pilot da bob Michael Vogt gudogna la concurrenza roiala en il bob a quatter. Per l’emprima giada dapi ventg onns gudogna puspè in pilot svizzer il titel da campiun mundial dals juniors.

L’ultim di dal campiunadi mundial da bob e skeleton dals juniors a San Murezzan ha l’equipa svizra danovamain procurà per spectacul. Il titel en la disciplina roiala, il bob a quatter va en Svizra tar Michael Vogt. Il pilot dal chantun Sviz ha persvadì en omaduas cursas. Omaduas giadas era el il pli spert. Michael Vogt e sia equipa gudogna il titel da campiun mundial da juniors avant dus bobs da la Germania.

audio
Michael Vogt campiun mundial da juniors
ord Actualitad dals 24.01.2021.
laschar ir. Durada: 15 Secundas.

Buna prestaziun era dal pilot indigen Cédric Follador

Persvadi en il chanal da glatsch tranter San Murezzan e Schlarigna ha er Cédric Follador da Bever. Il pilot da 26 onns cuntanscha cun sia schlitta plazza tschintg. Anc mai n'era Follador cun il bob a dus u cun il bob a quatter uschè ferm sco tar il campiunadi mundial dals juniors en sia patria, en l’Engiadin'Ota. Sin il podest mancan a Follador mo 20 tschientavels. Sper las prestaziuns da Vogt e Follador è era anc da menziunar Timo Rohner. El terminescha la cursa sin plazza nov e procura uschia per ina stupenta prestaziun da l’entira squadra svizra cun trais bobs en ils megliers diesch.

audio
Cédric Follador cuntent cun la 5avla plazza
ord Actualitad dals 24.01.2021.
laschar ir. Durada: 2 minutas 48 Secundas.

RTR novitads 12:00

Artitgels legids il pli savens