San Murezzan: Cumbinaziun stritgada dal tuttafatg

Pervia da tschajera e vent è han ils organisatur be pudì far il slalom – il Super-G è scrudà. L'emprim vulevan ins quintar dubel il Super-G da la sonda, tant per la cumbinaziun e sco cursa singula da Super-G. Uss vegn la cumbinaziun stritgada dal tuttafatg.

Tschajera sin la Corviglia. Bild in Lightbox öffnen.

Legenda da maletgs: La brentina sin la Corviglia ha impedì il segund percurs sin la Corviglia. Keystone

L’aura ha fatg in stritg tras il quint als organisaturs da la cuppa mundiala a San Murezzan. L'entschatta avevan ils organisaturs spustà la cursa da l'ina sin las duas. Enturn mezdi han els dentant decis d’annullar il Super-G.

Suenter slalom Svizras sin plazza dus e trais

Avantmezdi avevan las dunnas anc absolvì il slalom. Las Svizras eran bain en la cursa. Wendy Holdener e Michelle Gisin sin plazzas dus e trais suenter la dominatura en il slalom Michaela Shiffrin.

Sin las skiunzas spetga la sonda in Super-G. Quel vegn uss valità sco cursa singula e betg sco l'emprim communitgà era sco Super-G da la cumbinaziun. La partenza sin la pista Corviglia è planisada in quart avant las indesch.

RR novitads 14:00