Siglir tar il cuntegn

Header

cuntegn

Naziunal/Internaziunal San Murezzan – desditg cursas da skis

Pervi da nivels e naiv han las cursas da super-G e super-cumbinaziun da las dunnas a San Murezzan stuì vegnir desditgas.

Suenter la victoria dubla dad ier e las bunas prestaziuns da l'entira equipa svizra eran las speranzas en il super-G da las dunnas oz a San Murezzan grondas. Ed er en la super-cumbinaziun avessan las atletas svizras gì bunas schanzas. Ma l'aura ha fatg in stritg tras il quint. Pervi da nivels e naiv han omaduas cursas stuì vegnir desditgas.

Quai suenter ch'ils organisaturs dal super-G avevan gia stuì spustar la damaun la partenza sin las 11:30 e che brentina e naiv en ils auts engiadinais avevan gia sfurzà da dischlocar la partenza pli a bass. Anc avant aveva l'Americana Lindsey Vonn annunzià da desister d'ina partenza a San Murezzan. Suenter il super-G dad ier er'ella ida per terra en l'arrivada e vegnida tractada ditg en ina tenda.

RR novitads 12:00

Artitgels legids il pli savens