Siglir tar il cuntegn
Inhalt

Naziunal/Internaziunal Sandro Rizzi davos la banda

L'anteriur capitani dal HCD rinforza la squadra da trenaders sut Arno Del Curto.

Anteriur giugader da hockey sin glatsch.
Legenda: Sandro Rizzi daventa trenader d'assistenza tar il HCD. Keystone

L'anteriur attatgader Sandro Rizzi daventa per immediat nov trenader d'assistenza dal Club da Hockey da Tavau. Quai ha communitgà il HCD. Tenor cunvegnientscha cun il trenader Arno Del Curto surpiglia Rizzi diversas incumbensas en ils secturs da trenament, coaching e video. Percunter na vegnia il contract cun Dmitri Tsygourov betg prolungà.

Las incumbensas da Rizzi da fin uss en ils secturs da scouting e svilup surpiglia ad interim ina cumissiun da sport che sa cumpona da Gaudenz F. Domenig (president dal cussegl d'administraziun), Urs Winkler (commember dal cussegl d'administraziun), Marc Gianola (CEO), Arno Del Curto (trenader principal) e René Müller (schef dals juniors).

RR novitads 20:00