Sper Sandro Simonet e il rutinà Marc Gini da Beiva ch’è dapi bun 14 onns en la cuppa mundiala van er a la partenza Daniel Yule, Luca Aerni, Ramon Zenhäusern, Loic Meillard, Reto Schmidiger, Marc Rochat e Matthias Brügger.
Favurit Kristoffersen manca…
Ils top favurits en dentant auters, numnadamain l’Austriac Marcel Hirscher u il Tudestg Felix Neureuther. Betg a la partenza è oravant tut il Norvegiais Henrik Kristoffersen ch’ha gudagnà la stagiun passada la rucla pitschna da cristal en la disciplina slalom.
Kristoffersen è en in conflict cun la Federaziun da skis norvegiaisa pervia d’in sponsur e boicottescha uschia quest emprim slalom. Il giuven talent norvegiais ristga uschia dentant era da perder impurtants puncts en il cumbat per la rucla da cristal.
Sportissimo 17:00