Il skiunz grischun Sandro Viletta sto terminar la stagiun, perquai ch'el ha rut il liom cruschà dal schanugl sanester. Sa blessà è il campiun olimpic da la cumbinaziun dal 2014, tar ina cursa rapida da la cuppa europeica a Kvitfjell en la Norvegia. Cun cupitgar durant la cursa ha Viletta era squassà il tscharvè.
Il skiunz da 32 onns da La Punt-Chamues-ch vegnia a decider il proxim temp davart ulteriurs pass, ha communità Swiss Ski. En la cuppa mundiala è Viletta partì la davosa giada il december 2016.
RR novitads 06:00