Naziunal/Internaziunal - Sauber cuntinuescha cun Nasr ed Ericsson
Sauber ha prolungà ils contracts cun ses dus pilots. Il Svedais Marcus Ericsson ed il Brasilian Felipe Nasr han survegnì contracts fin la fin da la stagiun 2016. Omadus èn dapi quella stagiun tar il team da Sauber.
Ch’ins communitgeschia gia ussa, mussia ch’ils dus pilots e l’equipa sajan persvas d’esser sin la dretga via, ha ditg la scheffa d’equipa, Monisha Kaltenborn. «Nus avain cumplaina confidenza en ils talents e las abilitads da Marcus e Felipe. Els mussan prestaziuns solidas, rimnan experientscha ed emprendan spert», uschia Kaltenborn.
