Sauber sto surlaschar in cockpit a Van der Garde

La speranza sin ina vieuta en la dispita tranter l'equipa da furmla 1 Sauber e ses pilot da test da l'onn passà, Giedo van der Garde, n'è betg ida en vigur.

Il pilot Giedo van der Garde. Bild in Lightbox öffnen.

Legenda da maletgs: L'Ollandais Giedo van der Garde ha survegnì definitivamain raschun avant dretgira. Keystone

Sauber sto laschar in cockpit al pilot ollandais al Grond premi da l'Australia a Melbourne. Il recurs da Sauber cunter questa decisiun è vegnì refusà. La direcziun da Sauber sto ussa decider tgenin dals 2 pilots pladids sin questa stagiun che sto far plaz a Van der Garde, Marcus Ericsson u Felipe Nasr.