Siglir tar il cuntegn

Header

cuntegn

Naziunal/Internaziunal Sauser curuna ultima cursa cun medaglia d‘argient

Il mountainbiker Christoph Sauser ha terminà sia carriera cun in’ulteriura medaglia. Al campiunadi mundial da maraton en il Tirol dal Sid ha Sauser gudagnà la medaglia d’argient.

Aur e nov campiun mundial è l’Austriac Alban Lakata. Lakata ha la finala batti Sauser en quella cursa sur 87 kilometers per bun duas minutas.

Bronz a gieus olimpics e 4 titels da campiun mundial

Cun la medaglia d’argient ed il titel da vicecampiun mundial va ina grondiusa carriera da mountainbike a fin per Christoph Sauser. Durant 22 onns è el stà in dals gronds en quella scena. L’onn 2000 ha el gudagnà bronz als gieus olimpics da Sydney. Lura è Sauser vegnì quatter giadas campiun mundial, il 2008 en il cross country, il 2007, 2011 e 2013 en la distanza da maraton.

Meglra Svizra era Ariane Kleinhans sco 4.

Tar las dunnas ha la rutinada Norvegiaisa Gunn-Rita Dahle Flesja triumfà. Meglra Svizra è Ariane Kleinhans vegnida sco quarta.

RR sportissimo 17:00

Artitgels legids il pli savens