Legenda:
La stad n'è anc betg a fin e gia vegn puspè giugà hockey sin glatsch.
Keystone
cuntegn
Naziunal/Internaziunal - SC Berna e ZSC Lions gudognan en la CHL
L'SC Berna è partì bain en la Champions Hockey League. Il campiun svizzer gudagnà ordaifer cunter Kosice cun 6:3, tranter auter er grazia a dus gols da Simon Moser. Gia suenter 105 secundas ha Luca Hischier sajettà il 1:0 che ha purtà ina buna basa.
Il segund gieu per Berna è gievgia. Lura dat l'SCB cunter il club austriac ils Black Wings da Linz.
Er il segund club svizzer ch'è stà en acziun ha gudagnà. Ils ZSC Lions han battì a chasa l'ERC Ingolstadt cun 2:0. Ils gols han sajettà Reto Schäppi en la 36avla minuta e Patrik Bärtschi, 64 secundas avant la fin. Dumengia dattan ils Lions ordaifer cunter il medem club.
