Gaëtan Haas ed Eric Blum èn stads las grondas figuras en l'ultim gieu. Haas ha sajettà baud l'emprim gol. En il quartfinal cunter Genevra ha el mancà pervi da blessura, en la seria da final è el returnà sco center en la quarta lingia ed ha sajettà plirs gols decisivs.
Suenter che Zug ha pudì egualisar tranteren entras Lino Martschini (21avla minuta) ha il defensur da Berna, Eric Blum, danovamain sajettà en avantatg l'SCB, 74 secundas avant la segunda pausa. Blum ha er dà il pass a l'emprim gol da Haas.
Terz titel aifer quatter onns
Ils ultims quatter onns è Berna uschia per la quarta giada campiun svizzer. Igl è gia il segund titel cun il trenader finlandais Kari Jalonen. L'SCB ha gia terminà la fasa da qualificaziun sin plazza in.
Regal da cumià da Genoni
Cun ses ulteriur titel da campiun dat il goli da Berna, Leonardo Genoni adia. La proxima stagiun dat el cun Zug. Il Turitgais è ina giada dapli stà in constructur dal success. Sper Genoni han er Arcobello e Moser, Scherwy ed er Sciaroni, Grassi e Bieber contribuì bler per gudagnar il titel.
RR novitads 23:00