Siglir tar il cuntegn
Inhalt

Naziunal/Internaziunal SC Berna perda cunter ils New Jersey Devils

Il club da la liga naziunala A ha pers cunter il club da la NHL cun 2:3 suenter prolungaziun.

Hockeyans.
Legenda: Taylor Hall cun il gol decisiv cunter Leonardo Genoni. Keystone

Il SC Berna ha pers il gieu da test cunter ils New Jersey Devils be piz a cup. Duas minutas avant la fin dal temp regular ha Mark Arcobello pudì egualisar per il SCB al 2:2.

Il gol decisiv per il club da la NHL cun ils dus Svizzers Nico Hischier e Mirco Müller è crudà en la quarta minuta da la prolungaziun tras Taylor Hall.

La PostFinance Arena a Berna è stada vendida or. Passa 17'000 aspectaturs han persequità la partida en il stadion.

RR novitads 23:00