Siglir tar il cuntegn

Header

cuntegn

Naziunal/Internaziunal Scandal da doping daventa adina pli grond

La procura publica da Minca en Germania ha eruì 21 atlets dad otg pajais europeics che han dopà. Ad els vegn renfatschà d'avair fatg doping cun agen sang. Tranter il 2011 fin als campiunadis mundials da ski nordic da quest onn a Seefeld en l’Austria han ils 21 atlets survegnì transfusiuns da sang da trais cifras. Tenor la procura publica vegnan ils 21 atlets or da 5 differentas disciplinas da sport trais da quellas èn disciplinas da sport d’enviern.

Las transfusiuns sajan vegnidas fatgas sin l'entir mund tranter auter era en Svizra, Germania, l'Austria, la Finlanda dentant era en la Corea dal Sid ed a Hawaii. Il 2018 han gì lieu a Pyeongchang en la Corea dal Sid ils gieus olimpics d'enviern. A Hawaii ha lieu mintg'onn il Ironman dals triatlets.

La persuna principala en il scandal da doping, in medi da sport, saja vegnì arrestà.

Doping da sang

Personen-Box aufklappenPersonen-Box zuklappen

Blers atlets van en l'autezza per trenar, fin 1'500 meters sur mar. En l'autezza hai pli pauca aria ed il corp producescha dapli corpuls cotschens. Quai per ch'il corp possia transportar dapli oxigen. Dapli oxigen en il corp munta er dapli forza per la musculatura. Quest trenament en l'autezza sco tal è lubì.

Quels che cugliunan cun la metoda da doping da sang, tiran lura dentant giu il sang cun ina transfusiun e mettan quel en salv. Ad in eveniment vegn lura quest sang che cuntegna blers corpuls cotschens puspè dà enavos en il corp. Uschia han lura ils atlets durant la cursa dapli forza ch'ils auters.

RR novitads 17:00