Siglir tar il cuntegn

Naziunal/Internaziunal Sche grondas equipas stgarpitschan, datti plaz per autras

Il campiunadi europeic da ballape l’onn che vegn en Frantscha senza l’Ollanda. Tgi vess cret da quai?

Ils giugaders ollandais laschan pender ils chaus.
Legenda: Ils giugaders ollandais laschan pender ils chaus. Reuters

Il vicecampiun mundial da l’Africa dal Sid 2010, ed il terz dal turnier en Brasilia 2014 n’è betg tranter las 24 equipas che pon ir a l’Euro 2016. In’entira naziun sponda larmas da tristezza, e cun ils Ollandais era blers auters.

Da tschella vart procura la disditga a l’Ollanda en la qualificaziun plaz per autras naziuns. Per naziuns pitschnas che han strusch ina giada la plattafurma da sa preschentar tar ina Euro. Uschia l’Irlanda dal Nord, l’Austria, u l’Albania ch’è insumma per l’emprima giada da la partida tar in tal turnier.