Naziunal/Internaziunal - Schurter e Neff per la 5avla
Jolanda Neff e Nino Schurter èn era quest onn vegnids onurads cun il Swiss Cycling Award sco ciclists da l'onn. Omadus sportists han survegnì quest award gia per la tschintgavla giada. Il premi è vegnì surdà a Turitg a la Swiss Cycling Night.
Neff è vegnida quest onn campiunessa europeica ed ha er gudagnà il classament general da la cuppa mundiala. Nino Schurter è vegnì per la 7avla giada campiun mundial dal mountainbike ed ha gudagnà per la 6avla giada il classament general da la cuppa mundiala.
