Schurter è per la 5avla giada campiun mundial

Il Lumnezian Nino Schurter daventa per la 5avla giada campiun mundial en la disciplina cross country. A Nove Mesto en la Tschechia gudogna il ciclist da 30 onns la cursa avant ils dus cunfavurits - 17 secundas avant il Tschec Jaroslav Kuhlavy ed ina mesa minuta avant il Franzos Julien Absalon.

Nino Schurter tegna sin las spatlas ses bike. Bild in Lightbox öffnen.

Legenda da maletgs: Il retg e ses bike - il Lumnezian Nino Schurter e daventà per la 5avla giada campiun mundial. Keystone

Nino Schurter ha mussà oz tgi ch'è actualmain il retg da mountainbike. Schurter ha gudagnà a Nove Mesto en Tschechia avant ina culissa gigantica la cursa dal campiunadi mundial 2016.

Uschia è el vegnì per la 5avla giada en sia carriera campiun mundial.

Nino Schurter - ed ulteriuras novitads da Nove Mesto

Schurter ha persvadì sin tut il traject

Schurter ha persvadì dal cumenzamen enfin l'arrivada:. El è adina stà a la testa, l’emprim anc cun Jaroslav Kulhavy suenter lura persuls. Ella 4. da 6 rundas è Nino Schurter vegnì da sa distanziar da tut la concurrenza.

La finala ha il mountainbiker da Tersnaus triumfà cun in avantatg da 17 secundas sin il campiun olimpic da Londra e matador local Jaroslav Kulhavy. Terz è vegnì cun in retard d'ina mesa minuta Julien Absalon. Per Absalon èsi gia la 9avla medaglia ad in campiunadi mundial.

Nino Schurter a Nove Mesto tar sia cursa

Buna situaziun da partenza per Rio

Era ina fitg buna prestaziun ha mussà il Svizzer Matthias Stirnemann sco 6avel. Tut en tut èn classads sper Schurter e Stirnemann 6 svizzers en ils emprims 20 da la cuppa mundiala.

Il campiunadi mundial vala era sco indicatur per la cursa olimpica a Rio de Janeiro ch'è exactamain oz en 6 emnas.

RR Sportissimo 17:00