Siglir tar il cuntegn

Naziunal/Internaziunal Schurter ed Albin campiuns svizzers da mountainbike

Il giuven mountainbiker lumnezian Vital Albin sco era Nino Schurter han defendì lur titels als campiunadis svizzers ad Echallens.

Nino Schurter sin in mountain bike en ina curva. Il terren e natiral e schetg. davostiers ina gruppa d'aspectaturs che applaudeschan. Ina bandiera svizra è da vesair.
Legenda: Nino Schurter en acziun – qua anc a Lai. Keystone

Il campiun mundial da mountainbike Nino Schurter ha defendì ses titel da campiun svizzer ad Echallens. Schurter ha gudagnà 9 secundas avant Matthias Stirnemann e 21 secundas avant Lukas Flückiger. Il grischun Martin Gujan è rangà sco otgavel.

Jolanda Neff sin in mountainbike sin ina via alpestra. Davostiers public che applaudescha.
Legenda: Jolanda Neff en la cursa a Lai. Keystone

Jolanda Neff favurita e campiunessa

Vegnida campiunessa svizra è la gronda favurita Jolanda Neff. La victura da la cuppa mundiala ha gudagnà cun in avantatg enorm da varga duas minutas e mesa sin Linda Indergand.

La tiarza Kathrin Stirnemann è gia passa trais minutas e mesa enavos.

Nick Bürki, Vital Albin ed Ursin Spescha sin il podest.
Legenda: Nick Bürki, Vital Albin ed Ursin Spescha sin il podest. mad

Success Sursilvan

In success sursilvan hai dau al campiunadi svizzer dals juniors. Il vicechampiun mundial dals juniors Vital Albin ch'è sco Nino Schurter oriund da Tersnaus po celebrar siu quart titel da campiun svizzer en seria. Ursin Spescha da Sevgein ha cumplettà il success dal Club da velo Surselva cun il terz plaz. In plaz en ils top 10 ha il Club da velo Surselva era pudi festivau tiels U23. En quella categoria ei Andrin Beeli da Sagogn vegnius sisavel.

RR novitads 16:00