Schurter finescha stagiun cun ina 12avla plazza

In defect da ses velo ha franà il campiun olimpic en l’Andorra.

Schurter en acziun cun il bike. Bild in Lightbox öffnen.

Legenda da maletgs: Nino Schurter en acziun tar ils gieus olimpics a Rio de Janeiro. Keystone

Suenter ina stagiun incurunada da success terminescha il grischun Nino Schurter la stagiun cun ina dudeschavla plazza al final da la cuppa mundiala a Vallnord en l’Andorra. Enfin la tschintgavla da set rundas era il campiun olimpic e mundial da mountainbike Schurter en la gruppa da testa. Lura ha in defect franà el.

Il franzos Julien Absalon ha gudagnà la cursa avant il tschec Ondrej Cink ed il spagnol Pablo Rodriguez Guede. Cun sia victoria gudogna Julien Absalon gia per la setavla giada la cuppa mundiala generala. Nino Schurter è vegnì segund en el classament da la stagiun.

RR novitads 16:00