Nino Schurter ha en questa davosa cursa ina gia dapli battì ses grond rival franzos, Julien Absalon, ch'ha la finala pers 5 secundas sin Schurter. Terz cun in retard da 22 secundas è vegnì il Svizzer Florian Vogel. Ina buna prestaziun ha er Fabian Giger mussà sco 6avel.
Gudagnà trais da sis cursas
Nino Schurter ha gudagnà en questa stagiun trais da sis cursas da la cuppa mundiala, las ulteriuras trais cursas ha el mintgamai terminà sco segund. La cuppa mundiala gudogna Schurter avant Absalon ed il campiun olimpic da Londra, il Tschec Jaroslav Kulhavy.
En duas emnas stat lura sin il program il punct culminant da la stagiun, il campiunadi mundial ad Andorra.
RR novitads 16:00