Nino Schurter e Lars Forster èn sin buna via da gudagnar la cursa da mountainbike Cape Epic. Avant la davosa etappa mainan ils dus Svizzers il classament general cun 8 minutas avantatg sin ils segunds Mauel Fumic e Henrique Avancini.
En l'etappa da la sonda han Schurter e Forster cuntanschì plaz dus. Els èn stads var trais minutas pli sperts che lur pli ferms adversaris, il Tudestg Manuel Fumic ed il Brasilian Henrique Avancini ch'èn daventads quarts. Gudagnà l'etappa han il Columbian Louis Meija ensemen cun il Talian Johnny Cattaneo e terzs èn vegnids ils Talians Damiano Ferraro e Samuele Porro.
RR novitads 15:00