A Dario Cologna n’èsi betg gartegià da cuntanscher ina top posiziun al skiatlon als campiunadis mundials a Seefeld. Il Grischun è vegnì 14avel.
Gudagnà la cursa sur 15 km stil classic e 15 km stil liber ha il Norvegiais Sjur Röthe. Argient è ì al Russ Alexander Bolschunow e bronz al Norvegiais Martin Johnsrud Sundby.
Jonas Baumann da Lon è vegnì 26avel.
Dunnas: Success norvegiais – «penibla» prestaziun svizra
En il skiatlon da las dunnas è la Norvegiaisa Therese Johaug ida per aur. Argient en la cursa sur 7,5 km stil classic e 7,5 km stil liber è ì a sia cumpatriota Ingvild Östberg. La medaglia da bronz è ida a la Russa Natalja Neprjajewa.
L’unica Svizra ch’è stada da la partida – Nathalie von Siebenthal – è vegnida 18avla. Ella n'è betg stada cuntenta cun sia prestaziun.
Tge ch'jau hai mussà en il classic è simplamain stà penibel.
audio
Saira: Trumpada per Nathalie von Siebenthal
ord Sportissimo dals 23.02.2019.
laschar ir. Durada: 2 minutas 12 Secundas.
RR novitads 14:00
