Seefeld 2019 - Staffetta dals umens vegn sin il 8avel plaz
Il quartet svizzer cun Ueli Schnider ed ils trais Rumantschs Jonas Baumnann, Dario Cologna e Toni Livers è vegnì 8avel. Livers ha la finala pers in sprint final encunter il Tudestg ed il Kasach. Gudagnà la staffetta sur 4x 10 kilometers als campiunadis mundials a Seefeld ha la Norvegia.
Sco Toni Livers ch'è currì sco quart ha ditg envers RTR, fissi stà pussibel da gudagnar il sprint. La fin haja la forza dentant mancà ad el.Ils curriders Norvegiais han gudagnà la staffetta sur 4x 10 kilometers als campiunadis mundials a Seefeld. La medaglia d'argient han ils curriders Russ gudagnà avant ils Franzos ch'èn sin il terz plaz.
Dumengia èn ils passlunghists l'ultima giada en acziun a Seefeld. Lura cumbattan els en la cursa da 50 kilometers in cunter l'auter.
