Ils Tessinais han gudagnà il gieu da suentermezdi cunter TPS Turku cun 3:0, quai è stà lur segund gieu. Il prim gieu ha Ambri-Piotta gudagnà cunter Salawat UFA cun 4:1.
audio
Cuppa Spengler – Ambri-Piotta qualifitgà per mezfinal
ord Sportissimo dals 28.12.2019.
laschar ir. Durada: 2 minutas 25 Secundas.
La decisiun per Ambri è crudada en il segund terz. L'emprim ha Flynn sajettà en la 29avla minuta in gol, pia cura che sulet quatter giugadurs Tessinais eran sin il glatsch. Set minutas pli tard ha D'Agostini fatg il segund gol. Er il terz ed ultim gol ha D'Agostini fatg en il gol vid. Quel è crudà 78 secundas avant che la sirena ha resunà en il stadion vendì ora.
Damaun dastgan l'equipa Tessinaisa giudair in di liber, ils 30-12 vegn Ambri a giugar il segund mezfinal. Cunter tgi n'è anc betg cler.
RTR novitads 18:00