Siglir tar il cuntegn

Header

Navigaziun

cuntegn

Naziunal/Internaziunal Segund titel da WTA per Teichmann

Jill Teichmann gudogna il final dal turnier da WTA a Palermo cunter il numer tschintg dal mund, Kiki Bertens, en dus sets cun 7:6 e 6:2. Igl è il segund turnier che l'atleta da 22 onns gudogna.

La porta a la surpraisa è s'averta per Teichmann gia en l'emprim set. Trais giadas ha la Svizra fatg in break, trais giadas ha l'Ollandaisa pudì far in cunterbreak. En il tiebreak ha Bertens lura fatg duas giadas in sbagl dubel. Suenter ha il numer tschintg dal mund lura pers il fil e stuì suttacumber a Teichmann.

En la rangaziun mundiala fa Teichmann uschia in sigl da 28 plazzas ed è da nov il numer 54 dal mund.

RR novitads 22:00