Naziunal/Internaziunal - Segund trenament cun ils pilots da Sauber
Ils pilots da Sauber, Felipe Nasr e Marcus Ericsson, han absolvì il segund trenament dal Grond Premi da l'Australia. L'emprim trenament han els anc manchentà pervi da la situaziun nunclera enturn il team.
Il pilot Giedo van der Gard, che ha survegnì avant dretgira il dretg sin in cockpit, ha stuì mirar tiers. El n'ha nagina superlicenza. Ils pilots da Sauber èn vegnids 11 e 15 avels. Ils pli sperts en omadus trenaments eran ils Mercedes da Nico Rosberg e Lewis Hamilton.
