Siglir tar il cuntegn

Header

Purtret da Hamilton e Leclerc.
Legenda: Lewis Hamilton e Charles Leclerc sin il podest. Keystone
cuntegn

Naziunal/Internaziunal Segunda victoria dubla per Mercedes

Il campiun mundial Lewis Hamilton ha gudagnà il Grand Prix da Bahrain avant ses collega da team, Baltteri Bottas. Charles Leclerc ch'era partì cun ses Ferrari da la pole-position è vegnì terz.

Leclerc è 10 rundas avant la fin tuttenina vegnì pli e pli plaun, là ha el anc manà. Pervi d'in donn vi dal motor è il giuven da 21 onns crudà enavos davos il duo da Mercedes. Trumpà è er stà il collega da team da Leclerc, Sebastian Vettel. Il tudestg è crudà enavos sin plazza 9suenter ch'el è sa vulvì 20 rundas avant la fin. Ses cumbat per turnar en la cursa ha el la finala finì sin plazza 5, davos Max Verstappen en Red Bull.

Alfa Romeo ha gudagnà grazia a Kimi Raikkönen puncts per il campiunadi mundial. Suenter ses 8avel rang en l'emprima cursa da la stagiun è el oz vegnì 7avel. Ses collega da team Antonio Giovinazzi è vegnì 11avel.

RR novitads 20:00