Siglir tar il cuntegn

Naziunal/Internaziunal Segunda victoria per Laurien van der Graaff

Laurien van der Graaff celebrescha sia segunda victoria da la cuppa mundiala a Seefeld.

Legenda: Guardar il video «Sprint final». Durada 1:14 minutas.
Dals 27.01.2018.

Il podest da las dunnas

  • 1. Laurien van der Graaff / 1. Sophie Caldwell
  • 3. Maiken Caspersen Falla

La passlunghista da Tavau ha gudagnà il sprint da skating ensemen cun Sophie Caldwell. Terza vegn la favurita d'Olimpia e campiunessa mundiala Maiken Caspersen Falla.

Sin ils ultims meters è Van der Graaff sa cumbattida da la terza plazza a la testa da la cursa. Ed ha rangà la Svizra davant ils Stadis Unids e la Norvegia.

Segunda victoria

Ils 30 da december aveva la passlunghistà celebrà sia emprima victoria da cuppa mundiala tar il Tour de Ski a Lai. Cun la victoria en il lieu dal campiunadi mundial 2019 è ella rangada sin il davos plaz da las top 10 en la rangaziun totala.

Il podest dals umens

  • 1. Johannes Hösflot Klaebo
  • 2. Lucas Chanavat
  • 3. Calle Halfvarsson

Tar ils umens ha il victur da seria Johannes Hösflot Klaebo dominà a moda suverana. Davos il Norvegiais han la Frantscha e la Svezia prendì plaz cun Lucas Chanavat e Calle Halfvarsson.

Mezfinal per Cologna e Hediger

L'emprima giada dapi pli che dus onns gartegia a Dario Calogna il avanzament en il mezfinal tar in sprint. Il victur dal Tour de Ski è sa plazzà sin plaz diesch, gists avant ses collega da team Jovian Hediger.

Per Roman Schaad, Erwan Käser e Gianluca Cologna èn il quartfinal stà la davosa cursa.

RR novitads 16:00