Selina Büchel manchenta il final

La Svizra curra sin plazza quatter en sia cursa dal mezfinal sur 800 meters. E da sa qualifitgar cun agid d'in bun temp, n'è era betg gartegià a Selina Büchel. Uschia è il siemi da cuntanscher il final a fin per ella.

L'atleta svizra Selina Büchel Bild in Lightbox öffnen.

Legenda da maletgs: Tut morder n'ha betg gidà, Selina Büchel manchenta da sa qualifitgar per il final sur 800 meters a Londra. Keystone

L'atleta da 26 onns ha sespruvà da spargnar forzas durant l'emprima da las duas rundas. Sin ils segunds 400 meters n'èsi lura dentant betg gartegià a Büchel da surpassar sias concurrentas.

La finala sa ranghescha Selina Büchel en la cursa sin plazza tschintg. Damai che la Brita Lynsey Sharp è vegnida disqualifitgada pli tard, vegn la Svizra enavant sin plazza quatter. Per far il pass en il final sco pussaivla lucky loser, na tanschi pervi dal temp pli plaun dentant betg. La finala mancan 11 tschientavels.

RR novitads 21:00