Suenter ina pausa da bun 10 mais ha la biatleta Selina Gasparin dà la gievgia ses comeback a la cuppa IBU a Lai. Quai suenter ch'ella era vegnida l'october passà mamma per la segunda gada. IBU è la segund'auta categoria suenter la cuppa mundiala. La gievgia en il sprint è Selina Gasparin vegnida 12avla. Sonda è stà la segunda cursa a Lai. En la cursa da persecuziun è Selina Gasparin vegnida 28avla. Ella ha tranter auter fatg 7 sbagls da sajettar. Gudagnà la cursa tar las dunnas ha la russa Uliana Kaisheva.
Wiestner rimna fidanza cun 7avel plaz
Tar ils umens è stà en acziun cun Serafin Wiestner da Trin in atlet rumantsch che va normalmain en la cuppa mundiala. Per rimnar fidanza ha el desistì questa fin d’emna sin las cursas en la cuppa mundiala ed è persuenter partì a Lai. Tschel di en il sprint era el vegnì segund. La sonda ha'l mussà ina buna prestaziun en la cursa da persecuziun. El è vegnì 7avel. Gudagnà la cursa ha il Franzos Fabien Claude.
RR sportissimo 17:00
