Siglir tar il cuntegn
Inhalt

Naziunal/Internaziunal Selina Gasparin terminescha la stagiun

Il final da la cuppa mundiala dal biatlon la proxima fin d’emna a Tjumen en la Russia ha lieu senza Selina Gasparin. Ella sa sentia stancla e tschitschada ora, scriva Swiss Ski.

La biatleta Selina Gasparin.
Legenda: Selina Gasparin durant ina cursa avant diesch dis. Keystone

Als gieus olimpics d’enviern a Pyeongchang n’era Selina Gasparin insumma betg vegnida sin turas. Ed era tar las cursas da las davosas emnas n’ha ella betg cuntanschì ils resultats giavischads. Per Selina Gasparin vegn Susi Meinen dal cader B ad ir a la partenza en la Russia, quai dasper Irene Cadurisch, Lena Häcki ed Elisa Gasparin.

Il final dal biatlon a Tjumen en la Russia è dispitaivel pervi dal scandal da doping statal russ. Ils Canadais, ils Americans ed ils Tschecs desistan da partir, ed era il campiun olimpic svedais da la staffetta Sesbastian Samuelsson na va betg a la partenza.

RR novitads 15:00