Il team Svizzer è per l'emprima gia questa stagiun en ils top 10. Selina Gasparin ha fatg ina buna cursa sur 15 kilometers a Ruhpolding en Germania e cuntanschì il 5avel plaz. 14 secundas han mancà per far il pass sin il podest. Quellas ha ella probabel pers curt avant che sajettar l'emprima giada sin schiba. Selina Gasparin è numnadamain cupitgada.
Gudagnà la cursa ha la taliana Dorothea Wierer.
Ils resultats da las ulteriuras Svizras: Aita Gasparin è 43avla, Lena Häcki 57avla ed Irene Cadurisch 64avla. Tut en tut èn 95 biatletas vegnidas en l'arrivada.
RR novitads 17:00