Siglir tar il cuntegn
Inhalt

Naziunal/Internaziunal Senderos, Widmer e Zuffi betg a l'Euro

Il trenader naziunal Vladimir Petkovic ha elegì la squadra per l’Euro en la Frantscha. Per Philippe Senderos, Silvan Widmer e Luca Zuffi na datti nagin plaz en il cader dals 23 umens.

Vladimir Petkovic ha eligì la squadra definitiva per l’Euro 2016.
Legenda: Il schef ha tschernì: Vladimir Petkovic ha eligì la squadra definitiva per l’Euro 2016. Keystone

Dus dis suenter il gieu da test encunter la Belgia ha il trenader naziunal da ballape Vladimir Petkovic preschentà a Lugano ses cader definitiv da 23 giugaders per l’Euro 2016 en Frantscha. Sco ultims ha Petkovic stritgà da ses cader provisoric:

  • Philippe Senderos, defensur. Quai di Petkovic: «Igl è in grev mument per el. El ha ultimamain pers in zic la fidanza, ils sentiments positivs n’eran betg qua.»
  • Silvan Widmer, defensur. Quai di Petkovic: «El ha fatg ina buna chaussa qua ed er en ses club. Ma el ha dus giugaders davant el (Lichtsteiner e Lang, ann. d. red.) ch’èn ordavant ad el.»
  • Luca Zuffi, giugader da mez. Quai di Petkovic: «El è vegnì tar la naziunala ch’èl era spussà. Il temp n’ha para betg tanschì da cumenzar l’Euro cumplettamain ruassà.»

Gia enconuschent era che Petkovic desistia da l’anteriur capitani Gökhan Inler ch’ha giugà quest onn gnanc ina secunda cun ses club Leicester City, il nov campiun englais.

Sommer, Lichtsteiner, Xhaka, Behrami e Xhaqiri sco giugaders-clav

Per il campiunadi da ballape en Frantscha ha Vladimir Petkovic nominà 3 golis, 8 defensurs e 12 giugaders dal camp da mez e da l’attatga. Giugaders-clav en l’equipa svizra èn il goli Yann Sommer da Borussia Mönchengladbach ed il nov capitani Stephan Lichtsteiner da Juventus Torino. Plinavon en il camp da mez trais giugaders che dattan en l’Engalterra, Valon Behrami da Watford, Xherdan Shaqiri da Stoke City e Granit Xhaka ch’ha midà da Mönchengladbach tar Arsenal.

Anc in test avant l’Euro

Ils 23 giugaders che van all’Euro treneschan quest’emna anc a Lugano. Venderdis saira a las 18.00 uras è lura il davos test. La naziunala svizra dat en il stadion Cornaredo a Lugano encunter la Moldavia. Glindesdi parta l’entira equipa lura viers Montpellier en il sid da la Frantscha. Là prenda l’equipa dimora durant il turnier.

L’Albania sco emprim adversari, la Frantscha sco favurit da gruppa

L’emprim gieu a l’Euro ha la Svizra ils 11 da zercladur a Lens encunter l’Albania. Là vegni a dar per l’emprima giada en l’istorgia da l’Euro in duel tranter dus frars. Granit Xhaka dat cun la Svizra, ses frar pli vegl Taulant per l’Albania.

Ils 15 da zercladur dat la Svizra lura a Paris encunter la Rumenia ed ils 19 a Lille encunter la Frantscha, il grond favurit da la gruppa A ed in dils favurits per il titel.

La nominaziun definitiva

Tut ils giugaders ch'il trenader da la squadra naziunala da ballape svizra Vladimir Petkovic ha nominà per la Euro 2016.
prenum
num
club da chasa
posiziun
RomanBürkiBorussia Dortmund
goli
Marwin
HitzFC Augsburg
goli
YannSommerVfL Borussia Mönchengladbach
goli
JohanDjourouHamburger SV
davos
Nico
ElvediVfL Borussia Mönchengladbachdavos
MichaelLangFC Basel 1893
davos
StephanLichtsteinerJuventusdavos
Jean-FrançoisMoubandjeToulouse FC
davos
RicardoRodriguezVfl Wolfsburg
davos
FabianSchärTSG 1899 Hoffenheim
davos
SteveVon Bergen
BSC Young Boys
davos
Valon
BehramiWatford FC
davant
ErenDerdiyokKasimpasa AS
davant
BlerimDzemailiGenoa CFC
davant
BreelEmbolo
FC Basel 1893
davant
GelsonFernandesStade Rennais FC
davant
FabianFrei1. FSV Mainz 05
davant
AdmirMehmediBayer 04 Leverkusen
davant
Haris
SeferovicEintracht Frankfurt
davant
XherdanShaqiriStoke City FC
davant
ShaniTarashajGrasshopper Club
davant
GranitXhakaVfl Borussia Mönchengladbach
davant
DenisZakaria
BSC Young Boys
davant

Commentaris

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Nus avain survegnì voss commentari e mattin el online suenter ina controlla

Bitte stimmen Sie den Datenschutzbestimmungen zu.
Tschiffar in commentari

Per plaschair guardaì Netiquette 500 segns èn anc disponibels

I è capità in errur. Per plaschair anc ina giada empruvar.

I n'ha dà anc nagins commentaris. Scrivai il prim commentari.