Siglir tar il cuntegn

Header

Video
Andreescu: «Igl è stà tut auter che simpel»
Or da Sport-Clip dals 08.09.2019.
abspielen
cuntegn

Sensaziun a l'US Open Andreescu batta Williams en il final

Per la Canadaisa da 19 onns èsi l’emprim titel da major. En il mezfinal aveva ella eliminà la Svizra Belinda Bencic.

En l'emprim set ha la Canadaisa Andreescu fatg dus «breaks» ed uschia fatg la differenza. Serena Williams da sia vart ha fatg memia bler sbagls. En il segund set ha Andreescu manà bainprest cun 5:1. Malgrà ina balla da matsch èsi anc ina giada vegnì stretg per la giuvna canadaisa.

Suenter 100 minutas ha ella alura tuttina pudì trair a niz la segunda balla da matsch ed uschia festivar ses emprim titel tar in turnier da Grand Slam. I sa tracta da l'emprim titel da Grand Slam per ina Canadaisa insumma. Serena Williams sto uschia spetgar vinavant sin ses 24avel titel da Grand Slam.

Video
Andreescu batta Williams en il final
Or da Sport-Clip dals 08.09.2019.
abspielen

Nadal questa notg cunter Medwedew

En il final dals umens frunta il Spagnol Rafael Nadal sin il Russ Daniil Medwedew. La partida cumenza la saira a las 22:00, temp svizzer.

RR novitads 06:00