Sensaziun a Wimbledon – out per Djokovic

Per Novak Djokovic è il grand slam da tennis a Wimbledon a fin. Il numer 1 dal mund e defensur dal titel ha pers sensaziunalmain il gieu da terza runda.

Laschar ir video «Guardar la balla da match Djokovic : Querrey»

Guardar la balla da match Djokovic : Querrey

0:43 min, dals 2.7.2016

Il Serb che veva gudagnà ils davos quatter turniers da grand slam en seria ha pers encunter l’American Sam Querrey, il numer 41 dal mund, en quatter sets cun 6:7 (6:8), 1:6, 6:3 e 6:7 (5:7). Il gieu era vegnì interruts il venderdi saira pervi da la plievgia.

Dapi che Novak Djokovic veva pers il final dal French Open a Paris il 2015 encunter Stan Wawrinka ha il Serb gudagnà 30 gieus en seria a turniers da major. Suenter ch’il turnier è a fin per Djokovic creschan uschia er las schanzas per Roger Federer da triumfar in’ulteriura gia a Wimbledon.

RR novitads 20:00