Siglir tar il cuntegn

Naziunal/Internaziunal Sentenzia cunter Constantin na vegn betg suspendida

Il tribunal internaziunal da sport TAS a Losanna ha decis cunter in termin suspensiv da la sentenzia cunter il president dal FC Sion Christian Constantin. Uschia sto el mirar l’emprim gieu da la runda da stad da damaun cunter GC ord distanza.

Purtret da Christian Constantin.
Legenda: Christian Constantin na po il proxim temp betg entrar in stadion da ballape. Keystone

Il TAS ha uss clamà ils represchentants da la Swiss Football League sco era Constantin per ils 13 da favrer ad ina proxima audiziun nua ch’il scumond d’entrar en ils stadions duai vegnir giuditgà.

Constantin era vegni serrà per 9 mais suenter ch’el aveva attatgà l’expert da ballape Rolf Fringer. Constantin pretenda che la sentenzia vegnia annullada. I sa tractia d'ina chaussa privata e la liga na saja betg responsabla per quai. El e Fringer han entant schlià lur dispita.

RR novitads 10:00