Naziunal/Internaziunal - Sepp Blatter beneventa las inquisiziuns - Sport

Naziunal/Internaziunal Sepp Blatter beneventa las inquisiziuns

Suenter l'arrestaziun da plirs funcziunaris da la Fifa ha la Cumissiun d'etica da la federaziun entant suspendì per immediat 11 funcziunaris. Il president Sepp Blatter beneventa las mesiras e las inquisiziuns da las autoritads svizras ed americanas.

Las autoritads rinforzian las mesiras che la Fifa haja gia prendì per eliminar tals cumportaments sbagliads, scriva Blatter sin la pagina d'internet da la federaziun.

Spustar elecziun

Ordavant aveva l'UEFA, l'Uniun europeica dal ballape, pretendì che l'elecziun dal president da la Fifa planisada per venderdi, vegnia spustada. La federaziun na tegna però nagut dad ina spustada.