Siglir tar il cuntegn

Naziunal/Internaziunal Serafin Wiestner croda ord il cader naziunal

Il biatlet da Trin, Serafin Wiestner, ha stuì far in pass enavos. Per la stagiun 2018/2019 è el vegnì selecziunà be per il cader A da Swiss Ski suenter ch’el è stà commember da l’equipa naziunala durant la stagiun olimpica.

Serafin Wiestner
Legenda: En il sprint dals gieus olimpics a Pyeongchang ha Serafin Wiestner manchentà be piz a cup in diplom olimpic. Keystone

Pervia da surtrenament veva Serafin Wiestner stuì terminar la stagiun gia trais mais pli baud. Ussa saja impurtant ch’el sa revegni, tant mental sco er corporal, menziunescha il schef da biatlon Markus Segessenmann.

En il medem cader sco Serafin Wiestner èn la proxima stagiun er las duas biatletas grischunas Elisa Gasparin ed Irene Cadurisch. Ellas han uschia pudì far in pass dal cader B en il cader A.

Selina Gasparin er la proxima stagiun en il cader naziunal

En l’equipa naziunala resta il trio cun Selina Gasparin, Lena Häcki e Benjamin Weger. Aita Gasparin, la giuvna da las soras Gasparin, ed Eligius Tambornino restan vinavant en il cader B da Swiss Ski.