Naziunal/Internaziunal - Serena Williams en il final
La giugadra da tennis americana Serena Williams cuntanscha il final al Australian Open. Il numer in dal mund ha battì la Polaca Agnieszka Radwanska en dus sets cun 6:0 e 6:4. Williams ha duvrà sulet 64 minutas per gudagnar il mezfinal.
Williams stat per la 26avla giada en il final d'in dals quatter turniers da Grand Slam. L'adversaria en il final è la Tudestga Angelique Kerber. Ella ha battì la Brita Johanna Konta en dus sets cun 7:5 e 6:2. Per Kerber è quai l'emprim final da Grand Slam.
