Naziunal/Internaziunal - Serena Williams triumfescha a Wimbledon
Serena Williams gudogna ses 21avel titel da Grand Slam. L’Americana ha battì la Spagnola Garbine Muguruza en il final da Wimbledon en dus sets cun 6:4 e 6:4.
Per Williams èsi il sisavel titel a Wimbledon. Cun quest success ha il numer 1 dal mund era fatg perfetg l’uschenumnà Serena-Slam. Williams ha uss gudagnà in suenter l’auter l’US Open 2014, sco era quest onn l’Australian Open, il French Open e lura Wimbledon. Al record da Grand Slam da Steffi Graf manca uss be anc ina victoria da turnier.
