Siglir tar il cuntegn
Inhalt

Naziunal/Internaziunal SFV: Breiter per Miescher

La Federaziun svizra da ballape ha chattà in successur per Alex Miescher sco secretari general. La suprastanza centrala haja elegì Robert Breiter scriva la federaziun. L'advocat da 45 onns lavura dapi 16 onns tar la Federaziun svizra da ballape ed è dapi il 2009 substitut da Miescher.

Alex Miescher aveva schlià ses contract la fin d'avust, suenter il campiunadi mundial en la Russia e suenter l'affera davart ils burgais dubels ch'el ha distatgà.

Breiter è stà fin uss manader da la partiziun da dretg. El sa legria fitg da l'elecziun ha el fatg a savair.

Schäfer remplazza Heusler

Claudius Schäfer, il CEO da la Swiss Football League, vegn danov commember da la suprastanza centrala da la federaziun. El remplazza en il gremi Bernhard Heusler che ha mess a disposiziun ses post. La firma da l'anteriur president dal FCB ha survegnì l'incumbensa dal SFV da dilucidar las structuras da la federaziun.

RR novitads 16:00