Siglir tar il cuntegn

Header

cuntegn

Naziunal/Internaziunal Shaqiri va, Elvedi turna

Tar la squadra da ballape svizra dat i duas midadas.

Dus dis avant il gieu da test cunter la Bosnia-Erzegovina annunzia la naziunala Svizra ch'ella stoppia desister da Xherdan Shaqiri. Shaqiri patescha anc adina da problems cun la musculatura da la coissa. Il medi d'equipa haja confermà ch'i fissi irresponsabel da laschar giugar Shaqiri gia il mardi a Turitg. El turna ussa tar ses club a Stoke City e cuntinuescha la terapia en Engalterra.

Nico Elvedi turna

Dapi dumengia da mezdi è Nico Elvedi enavos en l'equipa da Vladimir Petkovic. Il defensur aveva gì ses emprim engaschi per la naziunala A il glindesdi passà a Feusisberg, nua ch'el ha fatg part ad in trenament. La sonda aveva el dà a Thun cun l'equipa U21 il gieu da qualificaziun per ils campiunadis europeics.

RR novitads 18:00

Artitgels legids il pli savens